रहरहरु फरक छन्, तिम्रा मेरा ।
हो, डरहरु फरक छन्, तिम्रा मेरा ।
रित्तो समाजमा जन्मिए, सस्तैमा बिक्छु ।
शहरहरु फरक छन्, तिम्रा मेरा ।
असन्तुलित सपनामा, मौन छटपटी ।
प्रहरहरु फरक छन्, तिम्रा मेरा ।
बेदनात्मक जिन्दगीका, अमिला घाउ ।
जहरहरु फरक छन्, तिम्रा मेरा ।
कम्पनपछी भत्किए, आशा भरोसा ।
हो, घरहरु फरक छन्, तिम्रा मेरा ।
सुसाएको सुनसान नदी, भ्रान्ती हैन ।
लहरहरु फरक छन्, तिम्रा मेरा ।
रहरहरु फरक छन्, तिम्रा मेरा ।
हो, डरहरु फरक छन्, तिम्रा मेरा ।
Leave a comment